Wiktionary:Bagéa

Bagéa! Wilujeng sumping di Wikamus alias Wiktionary, Baraya!. Wikamus téh kamus gratis multibasa nu ogé ngawengku tésaurus, nu ditulis réréongan di ieu ramatloka. Éntri-éntri nu aya di ieu loka diédit ku saha baé—parobahanana dirékam. Ti Oktober 2004, Wikamus Sunda geus boga 2.954 definisi, artikel, katut kaca lianna.

Biasana mah, jalma pinter kawas salira téh sok getol ngahanca proyék sarupa kieu. Nalika anjeun maca ieu artikel, bisa jadi jalma séjén keur ngédit sababaraha éntri lianna. Saha baé dihaturanan ngiring réréongan! Anjeun teu kudu asup log mun rék nyumbangkeun éntri, tapi saéna mah ngalog, ngarah urang bisa silih pikawanoh jeung silih talingakeun. Anjeun bisa nyieun éntri anyar, ngoréksi kasalahan batur, atawa ngalengkepan, teu langkung kasanggeman. Mangga cobi uningaan kaca "Nu Anyar Robah".

Salah sahiji hal nu peryogi kauninga téh nyaéta ngeunaan aturan nu diadopsi ti Wikipédia: ieu téh lain porum debat. Sawala nu aya téh pikeun ngahontal hiji kasapukan ngeunaan kumaha kuduna hiji éntri midang, sahingga eusina bener jeung nétral. Émut yén ieu téh kamus, nu hartina loba hal nu teu kawengku. Mun anjeun ngarasa mangmang nalika rék ngarobah hiji éntri, mangga dugikeun pamendak anjeun dina kaca obrolan (klik tab "sawala" di punclut, gumantung kana kulit préferénsi masing-masing).

Anjeun bisa baé nyangka yén Wikamus téh produk joré nu teu mutu, alatan watekna nu nembrak pikeun saha baé. Tapi, kanyataanana mah, nembrak téh justru jadi konci anu jétu pikeun beuki nyeukeutkeun definisina. Wilujeng sukan-sukan!

Pikeun leuwih lengkep, mangga uningaan kaca-kaca di handap ieu:

Pikeun leuwih lengkep ngeunaan kawijakan jeung tungtunanana, mangga uningaan Wiktionary:Community Portal.